Wanaagga oo la is faro iyo xumaanta oo la iska reebo waa wax fiican, waana waajib la rabo qof walba oo muslim ah inuu la yimaado. Dad badan oo baraha bulshada isticmaala ayaga oo isleh xumaan reeba ama wanaag sheega ayay wax badan halaynayaan, waxay arkayaan qof ay wax ka qaldan yihiin ayaga oo awoodi kara inay si hoose wax ugu sheegaan ayaa comment inta loo soo galo loo qorayaa qoraallo aan wanaagsanayn oo qofkii xumaanta inuu kusii dhiirado u horseedaya.
Waxaa iswaydiin mudan hadalada nuucaas ah qofka wax maku qaadanayaa mise madax adeeg iyo xumaan ayuu kasii qaadayaa?
Dadka nuucaas ah ma wanaag bay gudbiyeen mise xumaan bay xumaan kusii daraan?
Nabi Muuse markii fircoon loo diray dardaarankii la siiyey waxaa ka mid ahaa marka uu fircoon utago inuu ku yiraahdo hadal qaboow oo jilicsan, laga yaabo inuu waantoobo oo uu cabso.
Waxa la leeyahay hadalka haloo jilciyo oo tartiib wax haloogu sheego waa fircoon oo aan ognahay gaalnimo iyo kibir heerka uu ka gaaray, Allana wuu ogaa inuusan fircoon waano iyo wacdi wax ku qaadanaynin, laakiin dadka loo danleeyahay ee la rabo inay wax ka bartaan waa anaga oo waxaa nala barayaa qaabka dadka wanaaga loogu sheego iyo inaan dagaal iyo seef la boodnimo wax lagu sixi karaynin.
"يسِّروا ولا تعسِّروا، وبشِّروا ولا تنفِّروا"
Comments
Post a Comment