Skip to main content

Posts

MAQAALLO MUHIIM AH!

Diintu waa nasteexo!

Wanaagga oo la is faro iyo xumaanta oo la iska reebo waa wax fiican, waana waajib la rabo qof  walba oo muslim ah inuu la yimaado. Dad badan oo baraha bulshada isticmaala ayaga oo isleh xumaan reeba ama wanaag sheega ayay wax badan halaynayaan, waxay arkayaan qof ay wax ka qaldan yihiin ayaga oo awoodi kara inay si hoose wax ugu sheegaan ayaa comment inta loo soo galo loo qorayaa qoraallo aan wanaagsanayn oo qofkii xumaanta inuu kusii dhiirado u horseedaya. Waxaa iswaydiin mudan hadalada nuucaas ah qofka wax maku qaadanayaa mise madax adeeg iyo xumaan ayuu kasii qaadayaa? Dadka nuucaas ah ma wanaag bay gudbiyeen mise xumaan bay xumaan kusii daraan? Nabi Muuse markii fircoon loo diray dardaarankii la siiyey waxaa ka mid ahaa marka uu fircoon utago inuu ku yiraahdo hadal qaboow oo jilicsan, laga yaabo inuu waantoobo oo uu cabso. Waxa la leeyahay hadalka haloo jilciyo oo tartiib wax haloogu sheego waa fircoon oo aan ognahay gaalnimo iyo kibir heerka uu ka gaaray, Allana wuu ogaa inuus...
Post a Comment
Sii Aqri »
Recent posts

HAKU FAANIN XUMAANTA!

Hadii aan nahay ilma nabi Adam dhammaanteen waxaan ku hoos nool nahay naxariista alle iyo asturkiisa, ma jiro qof naga mid ah oo aan qaldamin, qof walba waxaa u qarsoon kayd madoow oo qaladaad iyo gafaf ah, hadii qof walba waxa uu sameeyo oo xumaan ah loo qaban lahaana lama noolaadeen. Bal suurayso hadii ay xumaantu lahaan lahayd ur ama astaan u gaar ah ee qofku markuu xumaan sameeyo lagu garto, soo noloshu ma adkaateen? Waxaa foolxumo iyo xishood la'aan ah in adigoo xumaan iyo danbi sameeyey alle uu ku asturo, kadibna asturkii ilaahay ku saaray aad iska feedo oo xumaantii iyo foolxumadii aad samaysay dadka uga sheekayso! Dadka qaar waxaad arkaysaa dhalin yaradaba ha ugu badnaadeene oo ku faanaya waxa ay sameeyeen oo xumaan iyo qurun ah (Xalay waxaas iyo waxaas ayaan sameeyey, heblaayo xalay waxaas iyo waxaas ayaan ku sameeyey), bal maxay u sheegsheegayaan oo isku kashifayaan may iska aamusaan?! Waxaa jira xadiis uu Abii-Hurayra nabiga ka wariyey naxariis iyo nabad galyo korkiisa ...
Post a Comment
Sii Aqri »

DHIB WAYN OO HAYSTA INTA BADAN ARDAYDA DHIGATA JAAMACADAHA OO U BAAHAN XAL IN LOO HELO!

Sanad walba jaamacadaha dalka ku yaalla waxaa ku biira arday tiradooda ay aad u badan tahay kuwaas oo doonaya inay wax ka bartaan kulliyadaha kala duwan ay jaamacadahaas bixiyaan.  Su'aasha iswaydiinta mudan ayaa ah, ardaydaas markay jaamacadaha dhameeyaan ma yihiin kuwa leh aqoontii lasoo baray mudadii ay jaamacadda dhiganayeen? Ma yihiin kuwa leh tayo fiican oo naftooda iyo dadkoodaba ku anfici kara waxa ay soo barteen?  Si aan uga jawaabno su'aalahaas waxaan u baahan nahay inaan soo ogaanno xaqiiqada ka jirta jaamacadaha dalka iyo waaqaca dhabta ah ay ardayda wax ku bartaan. Sida aan wada ognahay ardayda dhigata jaamacadaha marka ay bilaabaan semester cusub waxaa loo qaybiyaa kooxa kooxo (Groups), koox walba waxa ay iska dhax doorataa qof hogaamiye u noqda (Group Leader), ujeedka laga lee yahay samaynta kooxahaas ayaa ah inay ardayda iskaashadaan oo ay isla qaybsadaan culayska shaqooyinka iyo waajibaadka loo diro, balse nasiib xumo arinku sidaas ma ahan!  Waxaa hubaal ...
Post a Comment
Sii Aqri »

FADLIGA MAALINKA JIMCAHA

Maalinta jimcaha ah waa maalin barakaysan oo kulansatay wax yaabo badan oo wanaag ah, waa ciidda isbuuca, waa maalin ay qoraxi soo baxdo maalinta ugu fadliga badan, waa maalintii la abuuray nabi Aadam, waana maalintii jannada la galiyey, intaas waxaa sii dheer camalka la sameeyo maalintaas waxa uu ka ajar badan yahay kan la sameeyo maalmaha kale.  Nasiib xumo maalinta sidaas u wayn inteena badan waxa aan u aragnaa inay tahay maalin hurdo iyo nasiino, halka dadkii wanaagsanaa ay u arki jireen inay tahay fursad dahabi ah oo mudan in laga faa'idaysto.  Haddaba waa maxay sunnooyinkii Nabiga ka sugnaaday ee uu maalintaas samayn jiray?  Haddii aan uguda galo sunnooyinkii laga soo wariyey suubanaha ee maalinta jimcaha uu samayn jiray waxaa ka mid ah:  1- Salligiisa oo la badiyo Ayada oo la ogsoon yahay inay fiican tahay in mar walba labadiyo salliga Nabiga haddana maalinta jimcaha iyo habeenkeeda kuma sii jirto oo waxaa kusoo arooray fadli gooni ah, sida ku cad xadiis uu w...
Post a Comment
Sii Aqri »

BOOQASHADA QUBUURAHA

Hadii aan nahay ilmo nabi Aadam hilmaamka iyo ilowshiyaha waa wax nagu beeran oo waan kawada siman nahay sida quraanka iyo sunnadaba ku cad, sidoo kale mooganaanta ama qaflada ayadana waa astaan kale oo uu bani Aadamku ku sifaysan yahay.  Waxaa marar badan dhacda in aan ka waycanno ujeedka iyo yoolka saxda ah ee naloo abuuray anaga oo ku mashquulna aduun iyo dhaldhalaalkiisa.  Waxaa jira wax yaaba badan oo qofku inuu sameeyo ay wanaagsan tahay si mooganaantaas uuu uga baxo  sida inuu quraanka aqriyo iyo inuu xaadiro meelaha xuska alle lagu haayo sida masaajidda iyo goobaha la midka ah, sidoo kale waxaa ka mid ah wax yaabaha saamaynta leh ee la rabo inuu qofku sameeyo qubuuraha oo lasoo siyaarto iyo aakhiro oo lasoo xasuusto.  Qofka marka uu qubuuraha soo siyaarto oo uu naftiisa uga waramo xaqiiqooyinka dhabta ah ee sugaya waxaa sahlanaanayso inuu dib isugu laabto oo uu naftiisa xisaabiyo si waxa ka qaldanna uu u saxo wanaagana uu ugu dadaalo. Qabrigu waa meel in laso...
Post a Comment
Sii Aqri »

DHAFARKA IYO DHIBAATOOYINKIISA

Sida aan wada ognahay dhammaanteen hadii aan dhalinyaro nahay habeenkii xilli hore ma seexanno oo waan dhafarnaa ilaa aan mararka qaar aan gaarno labada habeennimo iyo ka gadaal, ujeedka dhafarkaas wuu kala duwanaan karaa laakiin inta badan ma ahan mid faa'ido leh.  Waxaan si joogta ah habeen walba u dhax dabaalanaa muujadaha kala duwan ee baraha ay bulshadu ku kulanto, annaga oo waqtiga intiisa badan ku bixino sheekooyin aan dhammaad lahayn isla markaasna aan muhiim ahayn iyo siyaasad madhalays ah.  Hadaba hadii aan dib u milic sano noloshii suubanaha nabad iyo naxariis kor kiisa ha ahaatee waxaan arkaynaa inuu ahaa mid neceb cishaha ka hor in la seexdo, sidoo kalana wuxuu ahaa mid neceb in cishaha kadib la sheekeeyo, sida kusoo aroortay xadiis uu wariyey Abii Barzah Al-Aslami Alle haka raali noqdee.  عَنْ أَبِي بَرْزَةَ رضي الله عنه أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ يَكْرَهُ النَّوْمَ قَبْلَ الْعِشَاءِ ، وَالْحَدِيثَ بَعْدَهَا. متفق عليه Ugu ...
2 comments
Sii Aqri »

MAKU BARAARUGSAN TAHAY NICMOOYINKA UU ALLE KU SIIYEY?!

Marka aad aragto qof aan wax baran oo danta iyo duruufaha nololeed ee ku xeeran owgeed fursad u heli waayey inuu wax barto, adigana aad tahay qof wax bartay oo fursadaas helay, ma dhahdaa Alxamdulillah oo ma dareentaa inaad nicma wayn haysato dad badan oo maanta dunida ku noolna ay jeclaan lahaayeen inay mar un helaan?. Marka aad gurigaaga ka baxdo adiga oo caafimaad qaba magaalkana aad kula kulanto dad badan oo xanuunsanaya oo la dhibaataysan xanuunada noocyadooda kala duwan (Waalli, Macaan, Dhiigkar, iwm), ma dareentaa nicmada caafimaad ee aad haysato mana tiraahdaa Alxamdulillah?. Marka aad aragto dhalin yaro badan oo asaagaa ah oo lagu imtixaanay dhaqamo aan wanaagsanayn sida: Salaad La'aanta, Balwadda, Sinada, Tuugnimada, iyo Caasi Waalidnimada. Alle ma u mahadnaqdaa oo ma tiraahdaa Alxamdulillah Ilaahow adigaa iga bad baadiyey dhaqamadaas aan wanaagsanayn?. Mise waxad u haysataa awoodaada, caqligaaga, iyo aqoontaada inaad uga bad baaday?. Marka aad aragto qof gaajo iyo wax la...
1 comment
Sii Aqri »